Kraftwerke Linth-Limmern

Zum Abschluss vu Linthal 2015 gaht’s nuchämal mit dr Seilbahn i Schtollä ufä. Viel förigä Platz hät üserä 4-Achser nüd kha.
Jetz gilts dr 2.7 km langi Schtollä vum Chalchtrittli zum Ochsäschtäfeli z reinigä. Da derzuä hät dr Jürg Jenny mit sim Team vu Jenny Landmaschinen AG innert einer Wuchä vu erschtä Ideä und Skizzä ä funktioniärendä, verstellbarä Wäschbalggä konschtruiärt, wo z ganzä Tunnelprofil cha mit Wasserhochdruck abägwäschä wärdä. Wiä ds Video zeigt, funktioniärt das beschtens. Glarnerland macht guäti Firmä!👍